पत्रकारमाथि प्रहरीको दुरव्यवहार

 

file photo

राष्ट्रिय समाचार समितिका बाँके संवाददाता पत्रकार महमुद आलम खानमाथि आज साँझ ८.३० बजे सशस्त्र प्रहरीका प्रहरी नायव उपरीक्षक -डिएसपी) राजु शाहले दर्ुर्व्यवहार गरेका छन् । पत्रकार खान आफ्नो दैनिक काम सकेर नेपालगन्जको फुलटेक्रास्थित आफ्नो घर फर्किनेक्रममा सोही स्थानमा रक्सीले मातिएका डिएसपी शाहले पत्रकार खानमाथि अश्लिल गालीगलौज र अपशब्द प्रयोग गरेका थिए । पत्रकार खानसँग सँगै रहेका दैनिक नेपालगन्जसँग आबद्ध पत्रकार विनय दीक्षितमाथि पनि शाहले अश्लिल गालीगलौज र अपशब्द प्रयोग गरेको पीडित पत्रकारहरुले बताएका छन् । रक्सीले मातिएका डिएसपी शाहलाई वडा प्रहरी कार्यालय नेपालगन्जमा राखिएको छ । वडा प्रहरी कार्यालयका प्रहरी निरीक्षक राम केसीका अनुसार सशस्त्र प्रहरी विन्दबासिनी गण चन्द्रौटामा कार्यरत डिएसपी शाह नेपालगन्ज रामनगर निवासी हुन् । रक्सी सेवन गरेर उनले चलाएको बा १ ब ६६४१ नम्बर प्लेटको सरकारी मोटरसाइकल पनि ट्याक्टरमा ठोक्किएपछि ट्याक्टर चालकलाई धाकधम्की दिई भाग्न खोजेका थिए । स्थानीय जनताको समूहले शाहलाई नियन्त्रणमा लिई नगर प्रहरीको जिम्मा लगाएका थिए ।